خلّيني أبدأ بمشهد بسيط عميل محتمل سمع عنك من صاحب له دخل على جوجل وكتب اسم شركتك دور ملقاش موقع أو لقى موقع شكله قديم او بطيء او مش مفهوم العميل مقالش حاجة قفل الصفحة وكمل يومه إنت عمرك ما هتعرف إن الفرصة دي ضاعت بس هي ضاعت فعلًا

الموقع الإلكتروني مش رفاهية… الموقع الإلكتروني خط دفاعك الأول

  ناس كتير لسه فاكرة إن الموقع الإلكتروني حاجة زيادة أو حاجة للشركات الكبيرة فقط الحقيقة غير كده خالص

:الموقع الإلكتروني دلوقتي عبارة عن

• أول إنطباع
• أول تقييم
• و فى بعض الاحيان آخر فرصة

العميل قبل لما يكلمك بيشوفك و لو اللى شافه ما اقنعوش مش هتواصل معاك

ما انا شغال على السوشيال ميديا ؟ 

تمام السوشيال ميديا مهمه لكن من غير الموقع الإلكتروني العميل مش هيثق فى شركتك ولا فى شغلك ليه بقى مش هيثق فى شركتك ولا فى شغلك ؟

•  لان صفحات السوشيال ميديا بتتغير و بتختفى و الاهم انه مش ملكك النهاردة الصفحة شغاله و بتنزل بوستات بكرة ماحدش شايف الصفحة بتاعتك و كانها لم تكن 

ليه انا لازم اشتغل على الموقع الالكتروني بتاعى قبل الشوشيال ميديا 

لان الموقع الإلكتروني ثابت و رسمى وتحت تحكمك فى اى وقت 

و الخلاصة هنا ان السوشيال ميديا بتلفت الانتباه لكن الموقع الإلكتروني بيكمل شغلك

الموقع الإلكتروني = موظف مبيعات شغال طول اليوم

الموقع الصح مش مجرد شكل حلو هو واحد فاهم شغلك بيشرح ويقنع ويرد على الأسئلة في أي وقت ومن غير مرتّب

موقع متظبط:

• يقول للعميل إنت بتعمل إيه بالظبط

• ليه يختارك إنت

• وإيه الخطوة اللي يعملها بعد كده

من غير مكالمة و من غير لف ودوران

الثقة… أهم حاجة قبل أي بيع

خلّينا نكون واقعيين الناس بقت حذرة موقع ضعيف محتوى فاضي مفيش معلومات واضحة كل ده بيقول للعميل “خلي بالك” لكن موقع محترم:

• تصميم مريح

• كلام واضح

• أمثلة شغل

• طرق تواصل مباشرة

بيخلي العميل يحس إنه في إيد أمينة

الموقع الإلكتروني بيخلّي التسويق ليه معنى

إعلانات

سوشيال

رسائل

الموقع الإلكتروني هو المكان اللي:

• تستقبل فيه الزائر

• تفهم هو جاي منين

• وتشوف عمل إيه

• وتحسّن تجربته

غير كده إنت بتسوق وانت مغمض

مثال سريع من أرض الواقع

شركتين نفس الخدمة

الأولى:

• عندها موقع واضح

• أسعار تقريبية

• شرح للخدمة

• فورم تواصل

التانية:

• صفحة فيسبوك

• شوية بوستات

• رقم موبايل

مين فيهم العميل هيكلم الأول؟

الإجابة معروفة

المشاريع الصغيرة محتاجة موقع أكتر من الكبيرة

الغريب إن الشركات الصغيرة هي اللي بيقول “لسه بدري على خطوة اني اعمل موقع الكتروني 

مع إن:

• هو محتاج يبان محترف

• محتاج ينافس

• محتاج يثبت نفسه

الموقع بيديك حجم أكبر وبيخليك تبان شركة مش مجرد شخص

إمتى الموقع يبقى عبء؟

أيوه الموقع ممكن يبقى عبء

لو:

• معمول من غير هدف

• كلامه مش مفهوم

• مفيش دعوة واضحة للفعل

• ومش مناسب للموبايل

ساعتها الموقع موجود بس مش بيشتغل

الخلاصة بدون فلسفة

الموقع الإلكتروني:

• مش كماليات

• مش رفاهية

• مش شكل

هو:

قرار بيزنس

يا إمّا يخدمك يا إمّا يضيّع فرص من غير ما تحس

لو لسه معندكش موقع… أو موقعك مش بيجيب نتيجة

يمكن المشكلة مش في شغلك يمكن المشكلة إن الناس مش شايفة شغلك صح

لو حابب:

• تعرف أنسب نوع موقع الكتروني لنشاطك

• أو تطوّر موقعك الحالي

• أو تبدأ من الصفر صح

تواصل معانا و نبنى لك موقع الكتروني يخدمك و يخدم شغلك